- પેટની નીચેનાં ભાગમાં દુ:ખાવો થવો
- અંડકોષમાં દુ:ખાવો થવો
- પેશાબ કરતી વખતે દુ:ખાવો થવો
કિડનીમાં પથરીની સમસ્યા આજકાલ ખુબ સામાન્ય બની ગઈ છે. કિડની આપણાં શરીર માંથી કચરો દૂર કરવાનું કામ કરે છે. જ્યારે કિડની યોગ્ય રીતે કામ નથી કરી શક્તિ ત્યારે સંપૂર્ણ રીતે કચરો બહાર નીકળી શકતો નથી. આ કચરો પથરી બની જાય છે. શરૂઆતમાં પથરી નાની હોય છે પણ આગળ જતાં તે એક બૉલ જેટલી થઈ શકે છે.
પથરી નાની હોય ત્યારે તેના કોઈ ખાસ લક્ષણ દેખાતા નથી પણ જ્યારે પથરી મોટી થવા લાગે ત્યારે તેના ગંભીર લક્ષણો દેખાય છે. કિડનીમાં પથરી મૂત્ર માર્ગ અને મૂત્રાશયને અસર કરે છે. પથરીનો દુ:ખાવો પેટ અને કમરનાં ભાગમાં થાય છે. શરીરનાં અન્ય ભાગ ઉપર પણ પથરીનો દુ:ખાવો થઈ શકે.
કમરમાં દુ:ખાવો થઈ શકે
કમરની બાજુમાં દુ:ખાવો થવો એ કિડનીમાં પથરીનું એક મોટું લક્ષણ છે. જ્યારે તમને એકદમથી કમરની બાજુમાં દુ:ખાવો થવા લાગે તો તેને નજરઅંદાજ ન કરો. આવી સ્થિતિમાં તમારે તાત્કાલિક ડોક્ટરનો સંપર્ક કરવો જોઈએ.
પેટની નીચેનાં ભાગમાં દુ:ખાવો થવો
પેટની નીચેનાં ભાગમાં દુ:ખાવો થવો એ પણ કિડનીમાં પથરી હોવાનાં લક્ષણો છે. યૂરિન ઇન્ફેકશન અથવા માસિક સ્ત્રાવ સમયે સ્ત્રીઓને પેટની નીચેનાં ભાગમાં દુ:ખાવો થતો હોય છે. પરંતુ તમારા પેટની નીચેનાં ભાગથી લઈને કમરની બાજુ સુધી દુ:ખાવો થતો હોય તો તમારે સમજી જવું કે આ કિડનીમાં પથરીનાં કારણે થઈ રહ્યું છે.
અંડકોષમાં દુ:ખાવો થવો
પુરુષોને કિડનીમાં પથરી હોય ત્યારે અંડકોષમાં દુ:ખાવો થઈ શકે છે. પેટ અને કમરની બાજુનાં દુ:ખાવા સાથે તમને જો અંડકોષમાં પણ દુ:ખાવો થતો હોય તો તમારે તેને નજરઅંદાજ ન કરવું જોઈએ.
પેશાબ કરતી વખતે દુ:ખાવો થવો
જો તમને પેશાબ કરતી વખતે દુખાવો થતો હોય તો સમજી જવું કે તમને કિડમાં પથરી છે. કારણકે આ એક તેનું મોટું લક્ષણ છે. ઘણી વાર યૂરિન ઇન્ફેકશનનાં કારણે પણ આવું થઈ શકે છે.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.)