ભરેલું શાક તો શિયાળામાં જ ખાવાની મજા કંઈક અલગ હોય છે. તેમાય તો ભરેલા રીંગણા-બટાકાનું શાક હોય એ પણ કાઠિયાવાડી સ્ટાઈલમાં હોય તો પુછવું જ શું. આજે તમે કાઠિયાવાડી સ્ટાઈલમાં ભરેલા રીંગણા-બટાકાનું શાક કેવી રીતે બનાવવું તે અહીં જણાવશે.
કાઠિયાવાડી ભરેલા રીંગણા-બટાકાનું શાક બનાવવાની સામગ્રી
- રીંગણા
- બટાકા
- ટમેટું
- પૌવા
- લસણ
- લાલ મરચું
- ઘાણાજીરું
- હળદર
- ચણાનો લોટ
- મીઠું
- કોથમરી
- તેલ
કાઠિયાવાડી ભરેલા રીંગણા-બટાકાનું શાક બનાવવાની રીત
- નાની સાઈઝના રીંગણ અને નાની સાઈઝના બટાકા લેવા. બટાકાની છાલ ઉતારી લેવી.
- રીંગણાના આગળનો ભાગ કાઢી નાખવો. પછી પાણીથી ધોઈ લેવા.
- રીંગણા-બટાકાને ભરાઈ તે માટે નીચે કાપા કરી લો.
- હવે ભરવાના મસાલા માટે બટાકાના પૈવા થોડા લઈ તેને પાણીમાં ધોઈ લો.
- પછી ખાયણીમાં 10 લસણની કળીઓ તેમાં બે ચમચી લાલ મરચું ઉમેરી તેની પેસ્ટ બનાવવી.
- હવે એક તપેલીમાં પલાળેલા પૌવા લો, તેમા ધાણાજીરું, હળદર, થોડો ચણાનો લોટ, પછી લસણની પેસ્ટ ઉમેરવી.
- પછી મીઠું, કોથમરી, ગોળ અને તેલ ઉમેરી બધું મિક્સ કરી લેવું.
- પછી રીંગણા બટાકામાં આ મલાસો ભરી લેવો.
- હવે ગેસ પર કૂકર મૂકી તેમા તેલ લો.
- તેલ ગરમ થઈ જાય પછી રીંગણા બટેકાને સાતળી લો. પાંચ મિનિટ સાતળી લો.
- પછી તેમા સમારેલું ટમેટું, મીઠું ઉમેરી હલેવા.
- પછી હીંગ ઉમેરવી અને વધેલો મસાલો તમે અહીં ઉમેરી દો.
- રીંગણા-બટાકા ડુબે તેટલું પાણી ઉમેરો.
- પછી કૂકરનું ઢાકણ બંધ કરી ત્રણ સિટી વગાડી દો.
- તો હવે તૈયાર છે તમારું કાઠિયાવાડી ભરેલા રીંગણા બટાકાનું શાક.